ვარსკვლავურ შემადგენლობას კიდევ ერთი პოპულარული მსახიობი შეემატა. „აქვამენის“ და „სამეფო კარის თამაშების“ ვარსკვლავი ავტომოყვარულების საყვარელი საგას მეათე ფილმს მსახიობებს შეუერთდა. მომოას როლზე ჯერ ბევრი ინფორმაცია არ გვაქვს, მაგრამ ჰოლივუდური გამოცემების თქმით, ის ფილმში ბოროტი პერსონაჟს ითამაშებს. ფილმს F10 ჰქვია და მისი პრემიერა 2023 წლის 19 მაისს შედგება. F10-ში თითქმის ყველა მსახიობი იქნება, რომლებმაც გულშემატკივრებს თავი წინა სერიებში შეაყვარეს. ერთადერთი, ვინც საგაში დაბრუნებაზე უარს ამბობს დუეინ ჯონსონია. როგორც წინა სტატიებში გიყვებოდით, მასსა და ვინ დიზელს შორის უთანხმოებაა. ასევე უცნობია, დაბრუნდება თუ არა ჯონ სინა, რომელმა ბოლო ფილმში დომენიკ ტორეტოს ძმის როლი შეასრულა. ფილმის რეჟისორი კი ისევ ჯასტინ ლინი იქნება. ლინის თქმით, მეათე და მეთერთმეტე ნაწილები წარსულში ისევ გვამოგზაურებს და ფილმების სიუჟეტს თავიდან ბოლომდე შეკრავს. ვინ დიზელმა კი 2021 წლის ერთ-ერთ ინტერვიუში განაცხადა, რომ „ფორსაჟის“ საგა მეთერთმეტე ფილმით დასრულდება, რომლის პრემიერასაც 2024 წელს უნდა ველოდოთ. წყარო: crystalauto.ge