ნამდვილი სახელი : მარგო ელის რობი (Margot Elise Robbie) დაბადების თარიღი : 2 ივლისი 1990 დაბადების ადგილი : დელბი, კუინზლენდი, ავსტრალია სიმაღლე : 1.68 მ პირველი ფილმი : 2008 მარგო ელის რობი - ავსტრალიელი მსახიობი. კარიერა დაიწყო 2000-იანებში, დამოუკიდებელ კინოფილმებში მონაწილეობით. 2008-2011 წლებში თამაშობდა საპნის ოპერაში „მეზობლები“ - როლმა მას „ლოგის“ ორი ნომინაცია მოუტანა. აშშ-ში დასახლების შემდეგ რობი მონაწილეობდა ABC-ის ტელესერიალში „პანამი“ (2011–2012). 2013 წელს შედგა მისი დებიუტი დიდ ეკრანზე, რიჩარდ კერტისის რომანტიკულ კომედიურ დრამატულ ფილმში „დროის შესახებ“. რობიმ ამავე წელს ითამაშა მარტინ სკორსეზეს ბიოგრაფიულ შავ კომედიაში „უოლ-სტრიტის მგელი“. 2015-ში მონაწილეობა მიიღო დრამატულ კომედიურ „ფოკუსში“, დრამატულ „ფრანგულ სუიტაში“ (მეორე მსოფლიო ომის შესახებ) და სამეცნიერო ფანტასტიკურ ფილმში „ზ ნიშნავს ზაქარიას“. იმავე წელს მან საკუთარი თავი შეასრულა „დიდ შემცირებაში“. 2016 წელს განასახიერა ჯეინ პორტერი სათავგადასავლო „ტარზანის ლეგენდაში“ და ჰარლი კუინი სუპერგმირულ „თვითმკვლელთა რაზმში“