ნამდვილი სახელი : ედვარდ ჯონ დევიდ „ედი“ რედმეინი (Edward John David Redmayne) დაბადების თარიღი : 6 იანვარი 1982 დაბადების ადგილი : ლონდონი, ინგლისი, დიდი ბრიტანეთი სიმაღლე : 1.84 მ პირველი ფილმი : 1998 ედი რედმეინი - ინგლისელი კინოსა და თეატრის მსახიობი. პირველი როლი მიიღო ფილმებში „ფიქრების წაკითხვით“ და „ცრუ ცდუნება“ (ორივე 2006), ხოლო მოგვიანებით გამოჩნდა ფილმებში: „ველური ხიბლი“, „ელისაბედი: ოქროს ხანა“ (ორივე 2007) და „კიდევ ერთი ბოლეინის გვარიდან“ (2008). პირველი მნიშვნელოვანი როლი მიიღო ბიოგრაფიულ ფილმში „ჩემი ერთი კვირა მერილინთან“, სადაც რეჟისორ კოლინ კლარკის სახე განასახიერა (2011) და ფილმში „საბრალონი“ (2012), სადაც შეასრულა მარიუს პონმერსის როლი. 2014 წელს მოირგო ფიზიკოს სტივენ ჰოუკინგის როლი ფილმში „ყველაფრის თეორია“, რისთვისაც მოიპოვა ოსკარი, ოქროს გლობუსი და BAFTA. მომდევნო წელს განასახიერა ლილი ელბეს სახე ფილმში „გოგონა დანიიდან“. 2016 წელს გამოჩნდა ფანტასტიკურ ფილმში „ჯადოსნური ცხოველები და სად ვიპოვოთ ისინი“. 2015 წელს ბრიტანეთის გაერთიანებული სამეფოს დედოფალმა ელისაბედ II-მ ედი რედმეინი ბრიტანეთის იმპერიის ორდენით დააჯილდოვა. რედმეინმა ჯილდო დრამატული როლების შესრულებისთვის მიიღო. დაჯილდოების საზეიმო ცერემონიალი უინძორის სასახლეში გაიმართა.