ნამდვილი სახელი : შეილინ დაიენ ვუდლი (Shailene Diann Woodley) დაბადების თარიღი : 15 ნოემბერი, 1991 დაბადების ადგილი : სიმი ველი, კალიფორნია, აშშ სიმაღლე : 1.73 მ პირველი ფილმი : 1999 შეილინ დაიენ ვუდლი (ინგლ. Shailene Woodley დ. 15 ნოემბერი, 1991) - ამერიკელი მსახიობი. პირველ როლებს შორის იყო ემი ჯორგენსი სერიალში „ამერიკელი თინეიჯერის საიდუმლო ცხოვრება“ (2008–2013) და ფელისიტი მერიმენი 2005 წლის ფილმში „ფელისიტი: ამერიკელი გოგონას თავგადასავალი“. გარღვევა მოხდა როლით ფილმში „შთამომავლები“ (2011). ალექსანდრა კინგის როლის შესრულებამ დაიმსახურა კრიტიკოსების მაღალი შეფასება და ჯილდოები, მათ შორის დამოუკიდებელი სულის ჯილდო ქალის საუკეთესო მეორეხარისხოვანი როლისთვის და ნომინაცია ოქროს გლობუსი საუკეთესო მსახიობი ქალისთვის მეორეხარისხოვან როლში (ფილმის კატეგორიაში). 2013 წელს მან შეასრულა ეიმი ფინეკის როლი ფილმში „წარმტაცი დრო“. მისმა შესრულებმა კვლავ დაიმსახურა კრიტკოსთა აღიარება. 2013 წლის სანდენსის კინოფესტივალზე მან შესრულებული როლისთვის მიიღო ჟიურის სპეციალური ჯილდო და ნომინირებული იქნა დამოუკიდებელი სულის ჯილდოზე ქალის წამყვანი როლისთვის. 2014 წელს ვუდლიმ საერთაშორისო აღიარება მოიპოვა წამყვანი პერსონაჟების როლის შესრულებით, რომანების ეკრანიზაციებში - ბეატრის პრაიორის როლით, „დივერგენტში“ და ჰეზელ გრეის ლანკასტერის როლით ფილმში „ბედის ვარსკვლავის ბრალია“.