ნამდვილი სახელი : მილენა მარკოვნა კუნისი (Milena Markovna Kunis) დაბადების თარიღი : 14 აგვისტო 1983 დაბადების ადგილი : ჩერნოვცი, უკრაინა სიმაღლე : 1.63 მ პირველი ფილმი : 1994 მილენა „მილა“ კუნისი (რუს. Милена "Mилa" Кунис; უკრ. Мілена "Miлa" Куніс; დ. 14 აგვისტო, 1983) - ამერიკელი მსახიობი. შესრულებული აქვს როლები ფილმებში: „სარა მარშალის დავიწყება“, „მაქს პეინი“, „ილაის წიგნი“, „მეგობრული სექსი“ და სხვ. 2010 წელს ფილმში შესრულებული როლისთვის „შავი გედი“, მიენიჭა მარჩელო მასტროიანის პრემია. ნომინირებული იყო აგრეთვე ოქროს გლობუსზე. მილა კუნისი დაიბადა 1983 წლის 14 აგვისტოს ქალაქ ჩერნოვცში, უკრაინაში. დედამისი ელვირა არის ფიზიკის მასწავლებელი და აფთიაქის ხელმძღვანელი, ხოლო მამამისი — მარკი პროფესიით ინჟინერ-მექანიკოსია. მილას ჰყავს უფროსი ძმა მაიკლი. 1991 წელს კუნისის ოჯახი საცხოვრებლად გადავიდა ლოს-ანჟელესში. მილა ებრაელია და მისი ოჯახის გადასახლების ერთ-ერთი მიზეზი გახდა ყოფილ სსრკ-ში გავრცელებული ანტისემიტიზმი. ლოს-ანჟელესში კუნისი სწავლობდა საშუალო სკოლაში. ბავშვობაში მხედველობასთან დაკავშირებული პრობლების გამო განუვითარდა ჰეტეროქრომია, რის გამოც ერთი თვალი მწვანე აქვს, ხოლო მეორე თვალი — ცისფერი ფერის. 9 წლის ასაკში ბევერლი-ჰილზში ესწრებოდა სამსახიობო სკოლას. 1998 წელს კუნისმა ითამაშა სერიალში „70-ის შოუ“, ხოლო მომდევნო წელს მულტსერიალში „გრიფინი“, სადაც ახმოვანებს მეგ გრიფინს. 2002 წლიდან კუნისი ხვდებოდა მსახიობ მაკოლეი კალკინს. 2011 წელს ერთმანეთს დაშორდნენ.